ZAMENHOFKongres' unua. Li, poet' kaj bardo,la Preĝon diris sub l' Esper-standardo. Skandalon timis rondo malgrandkreda, ekstazis la popol' en alta ardo. GRABOWSKIInĝenier' de ritmo kaj de rimo,kuraĝa inventisto de esprimo, Parnason grimpis kaj Tadeon donis, al li Tagiĝo kantis en l' animo. KALOCSAYBronzvoĉo. Amo trista, gaja, ŝtorma,certa kompaso lingva-stila-forma, polifonio de l' mondpoezio, Literatura Mondo. Riĉ' enorma. JULIO BAGHYBardo de la homaro suferanta,la korojn larĝbrakume kaperanta, senhave ĝaja fantazi-nababo, paĉjo de l' tuta mondo Esperanta. RAYMOND SCHWARTZLi prenas vorton kaj per ties tordoalsorĉas ŝercgrimacon de koboldo. Legantoj ŝmacas, se l' plej franca Schvvartz piratas: majstro de la mok' sen mordo. HILDA DRESENAdorantin' de versoj kaj de plantoj,kaj plantantino de senvelkaj kantoj padusodoraj, inter kiuj ruĝe brilas buked' Undera de dianto). SZILÁGYITralarme sprita streĉo de l' MinoraMistero. Larĝa vido redaktora. Transplantoj kun floramo ĝardenista. Noveloj spicaj. Kaj la koro? Ora. WARINGHIENLa ĉarma dokto estas Waringhien,doktor' de vorto- kaj de vers-higien'. La Lingvo — por li Vivo. Kaj li riĉas: Iran' Kajjama estas lia bien'. AULDAŭdaco, belo, pensoj — embarasode riĉo. Supla lingvo. Suka frazo. Kaj dankon por konsol', ke mi ne oldas, estante unu el Infana Raso. LAPENNALa plumo? Ne! La voĉo, la retora!Sed ankaŭ plumo retorik-aŭtora. Ha, voĉo, venka en Montevideo: en nia historio paĝo ora. MARJORIE BOULTONEksces' de sentoj, noblo de ideomiksiĝas laŭ ŝanĝemo de Proteo kun freŝa jubileto de ĝojkantoj kaj kun ronrono de Montevideo. RÉGULO PÉREZEn ombro de l' drakarboj — li ne kuŝassed versvolumojn ĉiam novajn puŝas en la merkaton. Granda animo dokta, poetoj verdaj nur por vi akuŝas (per ĉi volum' vi pleje min kortuŝas). K. R. C. STURMERNovelisto kalejdoskop-teknika.Prolet-skolasto. Li, per lanc' kritika, murdis poetojn. Murdis li Kenelmon. Notlibristo esperantist-praktika. L. N. M. NEWELLLondona ruĝa tramo, kaj' de Sejno,mor' kriketeca kaj araba hejmo, verstakso trafa, univers' en kapo fontas el lia plum' de fajna vejno. RETO ROSSETTIKaptas Rossetti, se li jetas reton,Othellon kaj Romeon, ne fiŝeton. Kaj el maniko li elskuas bildojn, versojn, novelojn, ŝercojn, rimraketon. ENGHOLMVivsekca, iom seka seriozo,sentoj sen gesto kaj homam' sen pozo. Lia talento homojn en Torento vivigis per la Esperanta prozo. MAURADanda poeto duonvoĉa, Maŭra,liberadora, poreterne fraŭla torero de la virinetaj koroj; kritike pri li rim' verdiktu: laŭra. THORSENLi scias rozojn kaj urtikojn pluki,laŭ Kumbel en traduko majstra gruki. Li portas mem la kreston de la KOKO, la spronon degnas al aliaj buki. GUGLIELMINETTITre malamikas Clelia Conternoal ĉio Esperanta en interno de ia ajn poemo aŭ romano. Damo! min ne kondamnu je ekstermo! BALKÁNYIPovas disfali ĉio eĉ tutlande,tuttere, eĉ la sunsistem' ĝisrande, persistos ĉiospite Paŭl' Balkányi paclukte, artikole, propagande. KÖKÉNYFlugfingre ĉionota sci-peranto,sangvina Budapeŝto-adoranto, eternmerita trezoristo de l' Enciklopedio de Esperanto. BORBÁLA SZERÉMI-TÓTHFervorulino en labor' redakta,ekzakta, fakta kaj perfekte takta, responsas, ke Hungara Vivo estu abunda, bunta, interesokapta. |